اسرائیلی وزیر اعظم بینجمن نیتن یاھو آئندہ ماہ اسرائیل کے موساد چیف یوسی کوہن کو واشنگٹن بھیجیں گے تاکہ وہ ایران کے جوہری معاہدے میں اصلاحات کے حوالے سے اسرائیل کے مطالبات امریکی صدر جو بائیڈن سے طے کریں۔
اسرائیلی ٹی وی چینل 12 کے مطابق نیتن یاہو کے قابل اعتماد اتحادی موساد کے چیف کوہن جوبائیڈن اور سی آئی اے کے چیف سے ملنے والے پہلے سینئر اسرائیلی اہلکار ہوں گے۔
اسرائیل کو خدشہ ہے کہ ایران کے جوہری معاہدے کی بحالی سے ایران کی یورینیم کی افزودگی میں اضافہ ہوگا جس سے اُس کی معیشت مظبوط ہوسکتی ہے۔ چینل 12 نے اطلاع دی ہے کہ کوہن اسرائیل کے مطالبات بائیڈن کے سامنے پیش کریں گے جو یہ ہیں:
1) ایران کو اس بات کا پابند کیا جائے کہ وہ یورینیم کی افزودگی کو روکے
2) جدید سنٹریفیوژن تکنیک کی تیاری بند کرے اور حزب اللہ کی حمایت بند کرے۔
3) عراق ، شام اور یمن سے ایرانی افواج کو بےدخل کیا جائے۔
4) انٹرنیشنل اٹامک انرجی اجنسی (IAEA) کو ایران کے جوہری پروگرام کے تمام پہلوؤں تک رسائی فراہم کی جائے۔
