کوئٹہ( نمائندہ جسارت)پی آئی اے کی جانب سے کوئٹہ سے کراچی کیلئے ہفتہ وار پروازوں میں اضافہ کردیا گیاہے ۔ تفصیلات کے مطابق پاکستان انٹرنیشنل ائر لائنز نے بروز ہفتہ دوپہر 1بجکر 20منٹ پر اندرون ملک کوئٹہ سے کراچی کی اضافی پرواز کا شیڈول جاری کیا گیا ہے جسکا کم سے کم کرایہ 8758 روپے مقرر ہے ، پی آئی اے کوئٹہ کے منتظمین کا کہنا ہے کہ کوئٹہ سے کراچی کی اضافی پروازوں کا فیصلہ موسم سرما کی تعطیلات کے باعث صارفین کا رش بڑھ جانے کی وجہ سے کیا گیا ہے ۔
