گلگت (اے پی پی) صدر مملکت ڈاکٹر عارف علوی 4 روزہ دورے پر گلگت بلتستان پہنچ گئے، ائرپورٹ پر گورنر گلگت بلتستان راجہ جلال حسین مقپون، وزیر اعلیٰ خالد خورشید خان و دیگر اعلیٰ حکام نے استقبال کیا۔ بعد ازاں صدر عارف علوی نلتر روانہ ہوئے جہاں انہوں نے قومی اسکی چیمپئن شپ کی اختتامی تقریب میں بطور مہمان خصوصی شرکت کی۔ صدر عارف علوی اپنے دورے میں صوبائی اسمبلی کے اراکین سے بھی ملاقات کریں گے، صدرکو حکومت گلگت بلتستان کی جانب سے صوبے کی تعمیر و ترقی کے حوالے سے تفصیلی بریفنگ دی جائے گی۔
