ٹھٹھہ (نمائندہ جسارت) ٹھٹھہ حیدرآباد روڈ پر مسافر وین الٹ گئی، جس کے نتیجے میں وین میں سوار 16 افراد زخمی ہوگئے، زخمیوں میں خواتین بھی شامل، حادثے میں دو زخمی افراد شفیق اعوان، نواز رحمن کو تشویشناک حالت میں علاج کے لیے حیدر آباد منتقل کیا گیا۔ حادثہ جھرک کے قریب گوٹھ شیخ اسماعیل اسٹاپ پر ہوا، جہاں کراچی سے ٹنڈو محمد خان جانیوالی مسافر وین سامنے سے آنے والی موٹر سائیکل سے زور دار ٹکر سے بچتی ہوئی الٹ گئی، جس میں وین ڈرائیور اعظم کورائی، امید علی مری، اصغر علی زئور، تنویر علی، نجمہ، فاطمہ، صائمہ، گلزار سولنگی اور دیگر شامل ہیں، تمام زخمیوں کو علاج کے لیے حیدر آباد منتقل کیا گیا۔ ایس ایچ او مکلی تھانہ خالد ندیم بیگ نے خفیہ اطلاع ملنے پر جنگ شاہی شہر میں آکڑا پرچی کے اڈے پر کامیاب چھاپا مار کر 3 ملزمان فیروز بروہی، وحید بروہی اور عادل بروہی کو گرفتار کرکے ان کے قبضے سے 5000 ہزار نقد اور 21 آکڑا بکس برآمد کرکے مقدمہ درج کرلیا ہے۔
