تربت، ائرپورٹ کو تیل پہنچانے والے ٹینکرپر فائرنگ

تربت(آن لائن)ائرپورٹ کو تیل پہنچانے والے 22ویلر ٹینکر پر ڈنک کے مقام پر فائرنگ، ٹینکر کو 5 گولیاں لگیں ایک سائیڈ کا شیشہ بھی ٹوٹ گیا ۔ کوئی جانی نقصان نہیں ہوا ٹینکر کراچی سے تربت ائرپورٹ پہنچ رہا تھا۔ پولیس ذرائع کے مطابق بلوچستان کے شہر تربت میں گزشتہ شب 8 بجے پی آئی اے کے لیے تیل سپلائی کرنے والے پی ایس او کے 22ویلر ٹینکر کو تربت کے علاقے ڈنک میں نامعلوم مسلح افراد نے اس وقت نشانہ بنایا جب وہ کراچی سے تربت ایرپورٹ کی جانب جارہا تھا، حملے میں آئل ٹینکر کے ایک سائیڈ کاشیشہ ٹوٹ گیا تاہم ٹینکر اور سوار محفوظ رہے۔ واضح رہے پی ایس او کمپنی ایرپورٹ کے طیاروں کو تیل سپلائی کرتا ہے۔
تربت/فائرنگ