لاڑکانہ(نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے 8 مختلف مقامات پر چھاپے مارکر اشتہاری، روپوش و مطلوب 6 ملزمان کو گرفتار کرکے اسلحہ، منشیات، چوری شدہ بھینس اور موٹرسائیکل برآمد کرلی۔تفصیلات کے مطابق سول لائنز پولیس نے امان اللہ ابڑو قتل مقدمے میں مطلوب ملزم بادل برڑو پستول اور گولیوں سمیت، اشتہاری محراب مغیری کو، منشیات فروش لطیف میمن کو منشیات سمیت، تعلقہ پولیس نے تین سے زائد مقدمات میں مطلوب ملزم مشتاق شر کو ریپیٹر اور کارتوسوں سمیت، نوڈیرو پولیس نے شوکت کھوکھر قتل مقدمے میں مطلوب ملزم سلیم کھوکھر کو، حیدری پولیس نے روپوش ملزم یعقوب مگسی کو گرفتار کرلیا۔دوسری جانب ولید پولیس نے شہری صابر اوڈہو کی چوری شدہ موٹر سائیکل اور ویہڑ پولیس نے کی۔ ستار راجپر کی چوری ہونے والی بھینس ناکہ بندی کے دوران برآمد کرکے اصل مالکان کے حوالے کردی۔
