لاڑکانہ (نمائندہ جسارت) لاڑکانہ شہر اور گردونواح میں آوارہ کتوں نے 10 بچوں سمیت 16 افراد کو کاٹ کر زخمی کردیا، جن میں 2 سالہ صدیق، 5 سالہ مراد، 8 سالہ امین، 8 سالہ عیان، ساجن، 10 سالہ محمد علی، 11 سالہ عبدالقیوم، عابدہ، زین، محرم، غلام عباس، 16 سالہ اظہر، 29 سالہ غلام شبیر، 43 سالہ مجاہد، 50 سالہ میوو اور 58 سالہ عبدالکریم شامل ہیں جنہیں ورثا کی جانب سے زخمی حالت میں چانڈکا اسپتال کے شعبہ حادثات میں قائم اینٹی ربیز ویکسین سینٹر منتقل کیا گیا جہاں سینٹر انتظامیہ کی جانب سے تمام زخمیوں کو ویکسین اور علاج فراہم کرکے گھر روانہ کردیا۔
