ٹھٹھہ (نمائندہ جسارت) ایس ایس پی ٹھٹھہ کی خصوصی ہدایت پر ضلع بھر میں پولیس کی کامیاب کا سلسلہ تیزی سے جاری ہے۔ ایس ایچ او و انسپکٹر گھارو تھانہ ممتاز علی بروہی نے مع اسٹاف کے دوران گشت خفیہ اطلاع ملنے پر بھٹ محلہ گھارو میں مختلف مقامات پر کارروائیاں کرکے 3 چوری شدہ موٹر سائیکلیں جوکہ تین دن پہلے گھارو شہر سے چوری ہوئی تھیں تصدیق کرنے کے بعد اصل مالک مرتضی ولد گل بقاء بھٹ کے حوالے کردی گئی اور جرنیٹر کو اصل مالک الیاس آرائیں کے حوالے کردیا۔ پولیس مزید تفتیش کررہی ہے، اس کے علاوہ گھارو پولیس نے اولڈ کسٹم آفس اور کے ڈی نالی گھارو کے قریب دو منشیات فروشوں غلام مرتضی پنجابی اور صدیق بابڑو کو گرفتار کرکے ان کے قبضے سے 55 بیگز دیسی شراب برآمد کرلی اور منشیات ایکٹ کے تحت گھارو تھانے پر مقدمات درج کرلیے گئے ہیں۔
