لاڑکانہ(نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کے خلاف کارروائیاں کرتے ہوئے اشتہاری، روپوش و مطلوب 5 ملزمان کو گرفتار کرکے اسلحہ، منشیات اور چوری شدہ بھینس برآمد کرلی ہے۔ تفصیلات کے مطابق سول لائن پولیس نے رسول آباد روڈ سے ملزم زاہد جتوئی کو ریوالر اور گولیوں سمیت، حیدری پولیس نے منشیات فروش پنھل کوڈرانی کو 6 کلو چرس سمیت، بقاپور پولیس نے روپوش ملزم رحمن چہوان کو، رشید وگن پولیس نے روپوش ملزم انور بروہی کو اور فتح پور پولیس نے مطلوب ملزم رسول بخش عرف حضور بخش چاندیو کو گرفتار کرلیا۔دوسری جانب باقرانی پولیس نے عمران تنیو کی چوری شدی دو بھینسیں جبکہ اللہ آباد پولیس نے شہری نذیر کی چوری شدہ بیٹری برآمد کرکے اصل مالکان کے حوالے کردی ہیں۔پولیس کے مطابق گرفتار ملزمان کے خلاف ایسے مقدمات درج کرکے تفتیش شروع کردی گئی ہے۔
