ٹھٹھہ (نمائندہ جسارت) ایس ایس پی ٹھٹھہ ڈاکٹر محمد عمران خان کی خصوصی ہدایت پر ٹھٹھہ ضلع بھر میں منشیات فروشوں جرائم پیشہ افراد اشتہاری اور رپوش ملزمان کیخلاف کامیاب کارروائیوں کا سلسلہ تیزی سے جاری ہے، ٹھٹھہ پولیس کی بڑی کامیابی، 2 کرولا کاروں میں گٹکا، ماوا سپلائی کرنے کی کوشش ناکام 3 ملزمان گرفتار مقدمہ درج۔ایس ایس پی ٹھٹھہ ڈاکٹر محمد عمران خان کی خصوصی ہدایت پر پولیس کی کامیاب کارروائیوں کا سلسلہ تیزی سے جاری ہے ایس ایچ او و انسپکٹر قادر بخش بہرانی تھانہ ٹھٹھہ اور انچارج 15 مددگار بیس ٹھٹھہ سب انسپکٹر فرحان الدین شیخ نے مع اسٹاف کے دوران سنیپ چیکنگ بائی پاس چوک ٹھٹھہ اور ناکہ گرائونڈ چوک ٹھٹھہ پر کامیاب کارروائیاں کرکے دو کرولا کاروں پر چھاپا مار کر گٹکا مٹریل اور گٹکا ماوا سپلائی کرنے کی کوشش ناکام بناکر 3 ملزمان انور کاشف سولنگی، وسیم حیدر بنگش اور مشتاق ہزاریوال کو گرفتار کرکے انکے قبضے سے 6 ہزار پیکٹ گٹکا، ماوا، 100 کلو گٹکا مٹریل برآمد کرکے کاروں کو تحویل میں لے لیا۔ گرفتار ملزمان کیخلاف ٹھٹھہ تھانے میں منشیات ایکٹ کے تحت مقدمات درج کرلیے گئے۔ ٹھٹھہ کے شہریوں نے پولیس کی کامیاب کارروائیوں پر ایس ایس پی ٹھٹھہ ڈاکٹر محمد عمران، ایس ایچ او و انسپکٹر قادر بخش بہرانی اور انچارج مددگار بیس ٹھٹھہ فرحان شیخ اور انکی ٹیم کو مبارکباد دی ہے۔
