قومی ٹینس چیمپئن شپ کاآغاز آج سے

کراچی (اے پی پی)9ویں قومی ٹینس چیمپئن شپ کا انعقاد آج جمعرات سے ماڈرن کلب میں ہوگا،چیمپیئن شپ کا افتتاح گورنر روٹری کلب پروفیسر ڈا کٹرفرحان عیسی کریں گے،سندھ ٹینس ایسو سی ایشن کے زیراہتمام اور پاکستان ٹینس فیڈریشن کی زیر سرپرستی منعقد کی جانے والی چیمپیئن شپ میں مختلف ایونٹس کے لئے 120 سے زائد اینٹریز موصول ہوئی ہیں جس میں وہیل چیئر ٹینس مقابلے اور پہلی مرتبہ منعقد کئے جانے والے بیچ ٹینس مقابلوں کے لئے بھی اینٹریز شامل ہیں۔ انہوںنے مزید بتایا کہ حشیش کمار کو انڈر18سنگلز میں ٹاپ سیڈ رکھا گیا ہے جبکہ لاہور کے اسد زمان انڈر14سنگلز میں پہلی سیڈ ہیں، اسی طرح گرلز 18سنگلز میں زینب علی اور انڈر10میں شاہ زر پہلی سیڈ ہیں۔