پاکستان ڈیموکریٹ موومنٹ کے صدر مولانا فضل الرحمان نے حکومت سے مذاکرات کے امکان کو مسترد کرتے ہوئے کہا ہے کہ جعلی حکومت کے ساتھ قومی ڈائیلاگ خارج ازامکان ہے۔
پی ڈی ایم جلسے میں شرکت کے لیے بنوں پہنچنے پر میڈیا سے گفتگو کرتے ہوئے مولانا فضل الرحمان نے کہا کہ سینیٹ الیکشن کےبارےمیں فیصلے متفقہ ہیں، آئین اور قانون کے دائرےمیں حکمت عملی پر ہم متوجہ ہوئےہیں۔
مولانا فضل الرحمان نے کہا کہ جنوری کا پورا مہینہ موجود ہے جس میں آیندہ کا لائحہ عمل طے کریں گے یہ جعلی اسمبلی ہے، اس کو وقت پورا نہیں کرنے دینا چاہیے جعلی حکومت کے ساتھ قومی ڈائیلاگ خارج ازامکان ہے۔
ان کا کہنا تھا کہ حکومت ہمارے مظاہروں کو نہیں روک سکتی، ملتان اور لاہور میں کوشش کی، لاکھوں کے اجتماع کو تین چار ہزار کا اجتماع ظاہر کرنےکی کوشش کی گئی۔
جے یو آئی ف کے سربراہ نے مزید کہا کہ سانحہ مچ اندوہناک واقعہ ہے، ذمےداروں کو کیفرکردار تک پہنچایاجائے حکومت کہتی ہےدہشتگردوں کو شکست دی، کہاں ہے وہ شکست؟
