لاڑکانہ(نمائندہ جسارت)ایس ایس پی لاڑکانہ مسعود احمد بنگش کی جاری کردہ ہدایات پر لاڑکانہ پولیس نے مختلف علاقوں میں سرچ و کومبنگ آپریشن کیا جبکہ رنگین شیشوں، بلو بتیوں، فینسی نمبر پلیٹس اور بغیر نمبر پلیٹس والی گاڑیوں کیخلاف کاروائیاں کی۔ اس کے علاوہ داخلی و خارجی راستوں پر تلاشی کے دوران اشتہاری، روپوش و منشیات فروش تین ملزمان کو گرفتار کیا گیا، جن میں گڑھی خدابخش بھٹو پولیس نے تلاشی کے دوران سکھر بائی پاس سے ملزم نعمت اللہ کہوسو کو دو کلو چرس سمیت، رتوڈیرو پولیس نے اشتہاری ملزم زاہد جویو کو ڈوکری پولیس نے روپوش ملزم رابیل جونیجو کو گرفتار کرلیا۔ دوسری جانب دھامراہ پولیس دوران چیکنگ شہری مجاہد سانگی کی چوری شدہ موٹرسائیکل برآمد کرالی ہے۔
