کوئٹہ (نمائندہ جسارت) بلوچستان کے علاقے سبی میں ترقیاتی کام کے دوران مشین کے قریب زور دار دھماکا ہوا۔ تاہم دھماکے سے کوئی جانی نقصان نہیں ہوا۔ پولیس نے تحقیقات شروع کردی۔ سبی کے علاقے کڑک روڈ ناگڑی پیر کے قریب ترقیاتی کام کے دوران نالے کی کھدائی کرنے والی مشین کے قریب دھماکا ہوا، پولیس حکام کے مطابق دھماکے سے ایکسی ویٹر کے اگلے حصے کو جزوی نقصان پہنچا، تاہم کوئی جانی نقصان نہیں ہوا۔ دھماکے کے بعد قانون نافذ کرنے والے اداروں کے اہلکار جائے وقوعہ پر پہنچ گئے، علاقے کو گھیرے میں لیا، بم ڈسپوزل عملے نے شواہد اکٹھے کرلیے جبکہ پولیس نے واقعہ کی تحققات کا آغاز کردیا۔
