سکھر( نمائندہ جسارت)پاکستان غریب عوام پارٹی ضلع سکھر کے وفد کی سکھر پریس کلب ،سکھر فوٹو جرنلسٹ ،سکھر یونین آف جرنلسٹ،سکھر سیفما چیپٹر سکھر کے نو منتخب عہدے داروں کو مبارکباد ، غریب و مظلوم عوام کی آواز ایوانوں میں پہنچانے میں میڈیا کا بہت بڑا کردار ہے ،وقار سومرو ۔ تفصیلات کے مطابق سکھر پاکستان غریب عوام پارٹی ضلع سکھر کے وفد نے ضلعی صدر وقار علی سومرو کی قیادت میں سکھر پریس کلب پہنچ کر سکھر پریس کلب اور کیمرامین اینڈ فوٹو جرنلسٹ ایسوسی ایشن،سکھر یونین آف جرنلسٹ، سیفما سکھر چیپٹر کے نو منتخب عہدیداران کو پھولوں کے ہار پہنائے اور انہیں بلا مقابلہ منتخب ہونے پر مبارکباد پیش کی۔ وفد میں نائب صدر سرفراز پہنیار، جنرل سیکرٹری عبیداللہ سومرو، نذیر سومرو و دیگر عہدے دار و کارکنان بھی موجود تھے۔ اس موقع پر پاکستان غریب عوام پارٹی ضلع سکھر کے صدر وقار علی سومرو کا کہنا تھا کے ہم آزاد صحافت پر یقین رکھتے ہیں، صحافی ہمیشہ مظلوم عوام کی آواز اعلیٰ ایوانوں تک پہنچاتے ہیں کیمرامین اور فوٹوگرافرز اپنی جان کی پرواہ کیے بغیر عوام کو سچ سے آگاہ رکھتے ہیں۔ اس موقع پر جنرل سیکرٹری سکھر پریس کلب یاسر فاروقی کیمرامین اینڈ فوٹو جرنلسٹ ایسوسی ایشن کے صدر جاوید گھنیو، محمد علی سولنگی سینئر نائب صدر، آصف اعوان نائب صدر، صلاح الدین سمیجو جنرل سیکرٹری، نذیر چانڈیو، ڈپٹی جنرل سیکرٹری، سجاد سنجرانی جوائنٹ سیکرٹری، اطہر اللہ خازن، نعمت اللہ جانی بھٹی پریس سیکرٹری اور شاہ ولی خان آفس سیکرٹری سمیت ممبران ایگزیکٹو کمیٹی کے اراکین نے وفد کا شکریہ ادا کیا۔
