سکھر (نمائندہ جسارت) بلدیہ اعلیٰ سکھر نے ایئر پورٹ روڈ کو مرحوم نثار احمد صدیقی، ورکشاپ روڈ کو شیخ ایاز کے نام سے منسوب کردیا، متعلقہ اداروں کو آئندہ سڑکوں کے نئے ناموں سے لکھا اور پڑھے جانے کی ہدایات۔ سکھر میونسپل کارپوریشن کے ایڈمنسٹریٹر نثار احمد میمن نے سندھ حکومت کی ہدایت پر ایئر پورٹ روڈ کو سندھ کے نامور تعلیمی ماہر آئی بی اے کے سابق ڈائریکٹر مرحوم نثار احمد صدیقی اور ورکشاپ روڈ کو سندھ کے نامور ادیب و شاعر شیخ ایاز کی خدمات کے اعتراف میں نام سے منسوب کرنے کا باقاعدہ نوٹیفکیشن جاری کرتے ہوئے متعلقہ محکموں کو ہدایت دی کہ آئندہ مذکورہ ایئر پورٹ روڈ کو مرحوم نثار احمد صدیقی روڈ، ورکشاپ روڈ کو شیخ ایاز روڈ لکھا اور پڑھا جائے۔
