لاڑکانہ (نمائندہ جسارت) شہر اور گردونواح میں آوارہ کتوں نے 10 بچوں اور 6 خواتین سمیت 22 افراد کو کاٹ کر زخمی کردیا جن میں ایک سالہ سیف اللہ، 5 سالہ رضا محمد، 6 سالہ صفیع اللہ، 7 سالہ اقصیٰ، 7 سالہ مٹھو، 8 سالہ زہرہ بیبی، 10 سالہ عرفانہ، اقرار، کامران، امان اللہ، 18 سالہ آفتاب، 20 سالہ زاہدہ، سمیہ، 23 سالہ عامر، 25 سالہ رحیم، 32 سالہ ساجد، 34 سالہ افروز، 37 سالہ بشیران، 40 سالہ بلقیس، 48 سالہ فتاح، 55 سالہ محمد علی اور 65 سالہ علی حیدر شامل ہیں جنہیں زخمی حالت میں چانڈکا اسپتال کے شعبہ حادثات میں قائم اینٹی ربیز ویکسین سینٹر منتقل کیا گیا، سینٹر انتظامیہ کے مطابق تمام زخمیوں کو ویکسین اور ضروری علاج دے کر گھر بھیج دیا گیا ہے۔
