اسلام آباد/پشاور (خبر ایجنسیاں)چیئرمین پی پیبلاول زرداری نے پارٹی کی سینٹرل ایگزیکٹو کمیٹی کا اجلاس طلب کرلیا ہے اجلاس 29 دسمبر کو دو پہر 2 بجے بلاول ہاوس کراچی میں ہوگا ، ترجمان کے مطابق اجلاس میں ملک کی سیاسی صورتحال پر غور کیا جائے گا۔ اس سے پہلے کمیٹی کا اجلاس ہر سال بینظیر بھٹو کی برسی پر 27دسمبر کو ہوتا تھا لیکن پی ڈی ایم کی تحریک کی وجہ سے اجلاس 29دسمبر کو ہوگا۔دوسری جانب بلاول زرداری نے قومی وطن پارٹی کے قائد آفتاب خان شیرپا ئوسے ان کی رہائش گاہ پر ملاقات کی ہے،ملاقات میںدونوں رہنماوں کے درمیان حکومت کے خلاف موثر تحریک چلانے پر گفتگو ہوئی ہے۔پی پی چیئرمین آفتا ب شیر پائو محترمہ بینظیربھٹو کی برسی میں شرکت کی دعوت بھی دی۔علاوہ ازیں بلاول نے پشتونخواملی عوامی پارٹی کے سربراہ محمود خان اچکزئی کو ٹیلی فون بھی کیا اور پی ڈی یم کے اہداف پرگفتگو کی ۔ انہیں بھی برسی میں شرکت کی دعوت دی۔
