راولپنڈی(جسارت نیوز)نصیر بندہ ہاکی ٹورنامنٹ میں العباس کلب نے نصیر بندہ کلب کو 7-3گول سے ہرا کر اگلے رائونڈ میں جگہ بنا لی۔ ڈسٹرکٹ ہاکی ایسوسی ایشن اور اسپورٹس ڈپارٹمنٹ کے زیر اہتمام ٹورنامنٹ کے دلچسپ مقابلے شہناز شیخ ہاکی اسٹیڈیم، راولپنڈی میں جاری ہیںِ، منگل کو کھیلے گئے میچ میں العباس کلب نے نصیر بندہ کلب کو دلچسپ مقابلے کے بعد 7-3گول سے شکست دی، فاتح ٹیم کی جانب سے سعد اور عثمان نے شاندار کھیل کا مظاہرہ کیا اور بالترتیب دو، دو گول اسکور کیے، ناک آئوٹ سسٹم کی بنیاد پر کھیلے جانے والے ٹورنامنٹ میں راولپنڈی اور اسلام آباد کے رجسٹرڈ کلبز کی 16 ٹیمیں شرکت کر رہی ہیں۔ ایونٹ کے سیمی فائنل مقابلے 27 دسمبر جبکہ فائنل 29 دسمبر کو کھیلا جائے گا۔
