لاڑکانہ (نمائندہ جسارت) شہر اور گردونواح میں آوارہ کتوں کی بہتات، 6 بچوں اور 2 خواتین سمیت 18 افراد کو آوارہ کتوں نے کاٹ کر زخمی کردیا، جن میں 4 سالہ اقرار، 6 سالہ عبدالحمید، 10 سالہ طاہرہ، نور حسین، 11 سالہ ساجد، 12 سالہ عبدالباسط، 18 سالہ سلیم، عبدالصمد، علی حیدر، 23 سالہ ارشاد، 28 سالہ نادر، 30 سالہ عابدہ خاتون، 40 سالہ نصراللہ، عبدالحمید، 50 سالہ گلاب علی، 60 سالہ رمضان اور 70 سالہ حکیمان خاتون شامل ہیں، جنہیں ورثاء کی جانب سے فوری طور پر چانڈکا اسپتال کے شعبہ حادثات میں قائم اینٹی ربیز ویکسین سینٹر منتقل کیا گیا۔ سینٹر انتظامیہ کے مطابق تمام متاثرین کو ویکسین اور ضروری علاج دے کر گھر بھیج دیا گیا ہے۔
