نوابشاہ (نمائندہ جسارت)سکرنڈ قومی شاہراہ پر صابوراہو کے قریب مسافر بس الٹ گئی۔ قومی شاہراہ پر کراچی سے بہاول نگر جانے والی مسافر بس الٹ گئی۔10 افراد زخمی، ایک جاںبحق۔ دو زخمیوں کی حالت تشویش ناک بتائی جاتی ہے۔لاش اور زخمیوں کو تعلقہ ہسپتال سکرنڈ منتقل کردیا گیا۔حادثہ سڑک پار کرنے والے شخص کو بچاتے ہوئے پیش آیا۔علاوہ ازیںدوڑ کے قریب مہران ہائی وے پر لاشاری اسٹاپ کے قریب تیز رفتاری کے باعث مسافر وین الٹ گئی جسکے نتیجے میں 2 افراد جاں بحق اور15 افراد زخمی ہوگئے۔ دو مسافروں کی حالت نازک بتائی جاتی ہے۔مسافر وین کراچی سے سکھر جا رہی تھی جو تیز رفتاری کے باعث حادثے کا شکار ہو گئی۔ جاں بحق اور زخمیوں کو نوابشاہ پیپلز میڈیکل اسپتال منتقل کیا گیا ہے۔
