پشاور (آن لائن) پشاور بڑی دہشتگردی سے بچ گیا ، کالعدم لشکر اسلام کے کمانڈر ذاکر آفریدی سمیت 4 دہشت گرد اور 8 سہولہت کار گرفتار۔ تفصیلات کے مطابق پشاور کے علاقے خیبر سپاہ میں سیکورٹی فورسز اور پولیس نے چھاپا مار کر کالعدم لشکر اسلام کے کمانڈر ذاکر آفریدی سمیت 4 دہشتگردوں کو گرفتارکرلیا۔دہشگردوں کے قبضے سے 3 خودکش جیکٹیں اور 6 دیسی ساختہ بم بھی برآمد ہوئے ۔گرفتار دہشگردوں کی نشاندہی پر بڈھ بیڑ میں بھی کارروائی کی گئی اور 8 سہولت کار گرفتار کر لیے گئے ۔سیکورٹی ذرائع کے مطابق دہشتگردوں نے 25 دسمبر کو پشاور میں بڑی کاروائی کی منصوبہ بندی کر رکھی تھی۔
