حیدرآباد: امیر جماعت اسلامی پاکستان سینیٹر سراج الحق کا کہنا ہے کہ جماعت اسلامی ایک الگ آپشن کے طور پر جدوجہد کررہی ہے ، ہماری جدوجہد مہنگائی بے روزگاری کے خلاف ہے۔
میڈیا سے گفتگو کرتے ہوئے سینیٹر سراج الحق نے کہاکہ عوام کے پاس جماعت اسلامی کے علاوہ ددسرا آپشن موجود نہیں ،جماعت اسلامی ہی نظام مصطفےٰ صلی اللہ علیہ وسلم قائم کر کے حقیقی تبدیلی لا سکتی ہے۔
امیر جماعت اسلامی پاکستان کا کہنا تھا کہ اس حکومت کا ہر دن پہلے سے بدتر ہے، حکومت شو آف ہینڈ اس لیے کرانا چاہتی ہے کہ اسے اپنے ممبران پر اعتبار نہیں ہے، سینٹ الیکشن قبل از وقت ہوسکتے ہیں تو قومی اسمبلی کے کیوں نہیں ؟
انہوں نے مزید کہاکہ پی ٹی آئی اور پی ڈی ایم میں کوئی فرق نہیں ہے پی ٹی آئی اور پی ڈی ایم میں کوئی اصولی اختلاف نہیں ہے اختلاف یہ ہے کہ پہلے اسٹیبلشمنٹ کی دودھ کی بوتل کسی اور کے منہ میں تھی ۔
