لاڑکانہ(نمائندہ جسارت) لاڑکانہ پولیس نے لاپتا چار طالب علموں کا کھوج لگاکر انہیں والدین کے حوالے کردیا ہے۔ باڈہ شہر کے مدرسہ فیضان انوار العلوم سے لاپتا 4 طالب علموں لکھمیر ولد غلام النبی ، سلامت ولد محمد علی، ظہیر ولد نثار احمد اور عرفان ولد نثار احمد کو لاڑکانہ پولیس نے ریلوے اسٹیشن سے کھوج لگاکر والدین کے حوالے کردیا ہے۔ دوسری جانب بہترین کارکردگی پر ایس ایس پی لاڑکانہ مسعود احمد بنگش نے ایس ایچ او باڈہ انسپکٹر رحیم بخش جعفری کو شاباش دی ہے۔
