201216-13-
لاڑکانہ(نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کے خلاف کارروائیاں کرتے ہوئے اشتہاری، روپوش و مطلوب 7 ملزمان کو گرفتار کرکے اسلحہ، منشیات اور موٹرسائیکل برآمد کرلی، تفصیلات کے مطابق ایس ایچ او رشید وگن سب انسپکٹر احمد علی اوڈھو نے نائچ لاڑو پر کامیاب کارروائی کرتے ہوئے ڈکیتیوں جیسے 6 سے زائد مقدمات میں ملوث و روپوش ملزم علی دوست بروھی کو، سول لائنز پولیس نے دوران گشت اشتہاری ملزم نیاز جیہو کو پستول اور گولیوں سمیت، ولید پولیس نے دوران گشت ضلع قنبرشہداکوٹ کے تھانہ پرروپوش ملزم حسین بخش چانڈیو کو، رحمت پور پولیس نے دوران چیکنگ ملزم سردار شابرانی کو چرس سمیت جبکہ ڈوکری پولیس نے اغوا کے مقدمے میں مطلوب تین ملزمان انصاف شیخ، علی گل شیخ اور علی حیدر عرف غلام حیدر شیخ کو گرفتار کرلیا۔دوسری جانب سول لائنز پولیس نے شہری حامد سہاگ کی چوری شدہ موٹرسائیکل برآمد کرکے اصل مالک کے حوالے کردی۔
