ایرانی وزیر خارجہ جواد ظریف نے کہا ہے کہ ہم ترکی کے خلاف حالیہ امریکی پابندیوں کی شدید مذمت کرتے ہیں اور اس کے عوام اور حکومت کے ساتھ کھڑے ہیں
اناڈولو ایجنسی کی رپورٹ کے مطابق نے وزیر خارجہ کا کہنا تھا کہ ترکی کے خلاف امریکہ کی جانب سے عائد کی جانے والی پابندیاں اس بات کا ثبوت ہیں کہ امریکہ کو پابندیاں لگانے کا بڑا شوق ہے۔
ان کا کہنا تھا کہ ترکی پر امریکی پابندی بین الاقوامی قانون کی توہین ہے۔ ایران کی امریکہ پر یہ تنقید اس وقت سامنے آئی جب امریکی محکمہ خزانہ نے روسی ایس-400 میزائل دفاعی نظام کی خریداری پر ترکی پر پابندیاں عائد کردی ہیں۔
واضح رہے کہ واضح رہے کہ روس کا ایس۔400 دفاعی نظام میں جہاز شکن میزائل شامل ہیں جو چار سو کلومیٹر کے فاصلے تک اپنے ہدف کو نشانہ بنانے کے حامل ہیں۔ 27 کلومیٹر تک کی بلندی پر پرواز کرنے والے طیاروں کو بھی یہ نشانہ بناسکتے ہیں۔
