پشاور موٹر وے پر مسلم لیگ (ن) کے قافلے کی 5 گاڑیاں حادثے کا شکار ہوگئیں۔
ذرائع ابلاغ کے مطابق پشاور موٹر وے سے مسلم لیگ (ن) کے کارکنان قافلے کی شکل میں لاہور آرہے تھے کہ راستے میں حادثہ پیش آگیا۔
رپورٹس کے مطابق قافلے میں 5 گاڑیاں آپس میں ٹکرا گئیں جس کے نتیجے میں متعدد نون لیگی کارکنان زخمی ہوگئے۔
حادثے کے بعد موٹر وے پر ٹریفک جام ہوگیا۔ حادثے میں گاڑیوں کو شدید نقصان پہنچا۔
تمام زخمی کارکنان کو قریبی اسپتال منتقل کردیا گیا۔
حادثے کا اصل مقام اور حادثے کی نوعیت کے بارے میں ابھی کچھ نہیں کہا جاسکتا۔
