لاہور(نمائندہ جسارت) لاہور کی احتساب عدالت میں منی لانڈرنگ و آمدن سے زاید اثاثہ جات کیس میں پیشی کے موقع پر ن لیگ کے صدر شہبازشریف نے نواز شریف اور اپنے بیٹے سلمان شہباز سے فون پررابطہ کیا۔دونوں بھائیوں نے ایک دوسرے کی خیریت دریافت کی اورملکی سیاسی صورتحال پر تبادلہ خیال کیا، شہباز شریف نے بیٹے سلمان شہباز اور فیملی کے دیگر ممبران سے بھی فون پر بات کی ۔مسلم لیگ ن کی ترجمان مریم اورنگ زیب نے شہباز شریف کو لاہور جلسے کے بارے میں تفصیلات سے آگاہ کیا اور بتایا کہ پولیس کی جانب سے پارٹی رہنمائوں کے گھروں پر چھاپے مار ے جا رہے ہیں جبکہ پی ڈی ایم میں شامل تمام سیاسی جماعتوں کے رہنما لاہور پہنچ چکے ہیں۔شہباز شریف نے دوران ملاقات مریم اورنگزیب کو مریم نواز کے لیے خصوصی پیغام بھی دیا۔
