کراچی: پی آئی اے نے کوئٹہ سے تربت کیلئے پروازوں کاآغاز کردیا.
ترجمان پی آئی اے عبداللہ کے مطابق کوئٹہ سے تربت کیلئے ہفتہ وار 2 پروازیں آپریٹ ہوں گی اور اسی کے پیش نظر آج پہلی پرواز 12 بجے کوئٹہ سے تربت کیلیے روانہ ہوئی.
ترجمان پی آئی نے کہا کہ تربت، گوادر، اور گردونواح کی عوام کا دیرینہ مطالبہ تھا کہ صوبائی دارلحکومت کے لیے دوبارہ پروازیں بحال کی جائیں تاہم دیگرشہروں سے بھی گوادر کیلئے پروازیں چلائی جائیں گی.
ترجمان پی آئی کا مزید کہنا تھا کہ سی ای او ایئر مارشل ارشد ملک پہلے ہی گوادر کے فروغ کے لیے پی آئی اے کے کردار ادا کرنے کا وعدہ کرچکے ہیں.
