لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے اشتہاری، روپوش و مطلوب 3 ملزمان کو گرفتار کرکے اسلحہ، موٹر سائیکلیں اور بھینسیں برآمد کرلی ہیں۔ کیٹی ممتاز پولیس نے دوران گشت ملزم میہر عرف مٹر خروس کو پستول اور گولیوں سمیت، اغوا اور چوری جیسے مقدمات میں اشتہاری ملزم قربان کھوکھر کو اور نوڈیرو پولیس نے دوران گشت مطلوب ملزم عبیداللہ جیہو کو گرفتار کرلیا۔ دوسری جانب ائر پورٹ پولیس نے چوری شدہ دو بھینسیں برآمد کرکے اصل مالکان لطیف ملاح اور ترک علی بروہی کے حوالے کردی۔ دڑی پولیس نے گرفتار ملزمان کی نشاندہی پر تین موٹر سائیکلیں برآمد کرکے اصل مالکان وزیر علی، عاشق علی اور عبدالوحید کے حوالے کردی ہیں۔ پولیس کے مطابق گرفتار ملزمان کیخلاف ایسے مقدمات درج کرکے تفتیش شروع کردی گئی ہے۔
