دادو (نمائندہ جسارت) ایس ایس پی دادو ڈاکٹر فرخ رضا ملک کا کراچی تبادلہ، نئے ایس ایس پی اعجاز احمد شیخ کو دادو تعینات کردیا گیا۔ دادو پریس کلب کے صدر صابر بھنڈ کی جانب سے ایس ایس پی ڈاکٹر فرخ رضا ملک کی دادو پریس کلب میں الوداعی تقریب منعقد کی گئی۔ تقریب میں دادو پریس کلب کے سینئر صحافیوں نے کثیر تعداد میں شرکت کی۔ الوداعی تقریب میں خطاب کرتے ہوئے ایس ایس پی ڈاکٹر فرخ رضا ملک نے کہا کہ ہمارا کام ہے عوام کا تحفظ کرنا، پہلی ترجیح عوام کا تحفظ ہے۔ انہوں نے کہا کہ جتنا وقت دادو میں رہا ہوں، امن امان کی بحالی کا کام کیا ہے۔
