اسلام آباد (جسارت نیوز) پاکستان اسکواش فیڈریشن (پی ایس ایف) کے زیر اہتمام انٹرنیشنل اسکواش ٹورنامنٹ میں 8مرد کھلاڑیوں نے کوارٹر فائنل کیلئے کوالیفائی کر لیا۔ منگل کو مصحف اسکواش کمپلیکس اسلام آباد میں مرد ایونٹ کے دوسرے رائونڈ مقابلوں میں طیب اسلم نے نور زمان کو 11-1 ، 11-9 اور 11-9 سے شکست دی. محمد فرحان ہاشمی نے ظاہر شاہ کو 11-2، 11-7،اور11-7 سے ہرا دیا۔ اسرار احمد نے سید علی بخاری کو 11-8، 11-5 اور 11-7 سے مات دی۔ وقاص محبوب نے فرحان محبوب کو 11-8، 11-9اور 11-7 سے شکست دیدی۔ عماد فرید نے محمد بلال کو 9-11، 11-7، 11-8اور 11-2 سے ہرا دیا۔ فرحان زمان نے حارث قاسم کو 11-7، 11-4اور 11-8 سے مات دی۔ ناصر اقبال نے دانش اطلس خان کو 11-2، 12-10اور 11-5 سے شکست دی جبکہ عاصم خان نے ذیشان زیب 11-7، 11-7،اور11-7 سے ہرا کر کوارٹر فائنل کیلئے کوالیفائی کر لیا۔خواتین ایونٹ کے پہلے رائونڈ مقابلوں میں آمنہ فیاض زینب خان کو 11-7 ، 7-11 ، 11-7 اور 11-4 سے شکست دی۔ انعم مصطفی عزیز نے ایلسا عمران کو 12-10، 11-6 اور11-4 سے مات دے دی۔
