کوئٹہ(جسارت نیوز)جاپان کراٹے ایسوسی ایشن بلوچستان کے زیر اہتمام سالانہ2روزہ جے کے اے کراٹے سیمینا ر اینڈ کوچنگ کیمپ کا اختتام ہوگیا۔ علمدار روڈ پرواقع تاجئی خان اسپورٹس کمپلیکس کوئٹہ میں منعقد ہونے والے سیمینار اینڈ کوچنگ کیمپ میں جاپان کراٹے ایسوسی ایشن بلوچستان کے انسٹکٹرز سمیت سینئر و جونیئر کھلاڑیوں نے شرکت کی۔جے کے اے کراٹے سیمینار اینڈ کوچنگ کیمپ میں کوچنگ کے فرائض جے کے اے ورلڈ ہیڈ کوارٹرٹوکیو جاپان کے سرٹیفائیڈ انسٹریکٹراور تجربہ کارکوالیفائیڈانسٹریکٹر سینسی حسین علی چنگیزی سر انجام دیئے جبکہ ان کی معاونت تجربہ کار کوالیفائیڈ انسٹر یکٹر سینسی عبداللہ چنگیزی نے کی۔
