لاڑکانہ(نمائندہ جسارت) رتودیرو پولیس نے دوران گشت بھائی خان لاڑو پر جرائم پیشہ افراد سے مقابلہ میں ایک ملزم کو زخمی حالت میں گرفتار کرلیا، رتودیرو پولیس کے مطابق ابتدائی تفتیش کے دوران زخمی حالت میں گرفتار ملزم کی شناخت عامر شاہانی کے نام سے ہوئی ہے جس کے قبضے سے بغیر لائسنس پستول اور گولیاں برآمد ہوئی ہیں جبکہ زیرِ حراست زخمی ملزم کو بروقت علاج کیلیے اسپتال منتقل کیا گیا ہے، پولیس کا مزید کہنا تھا کہ رتودیرو تھانے میں گرفتار اور فرار ملزمان کے خلاف پولیس مقابلہ اور اسلحہ برآمدگی کے مقدمات درج کیے گئے اور گرفتار ملزم کا مزید کرمنل ریکارڈ بھی اکٹھا کیا جا رہا ہے۔
