فیصل آباد (آئی این پی) 2 ٹریفک حادثات میں 2 شہری جاں بحق13 زخمی ہوگئے، 3 کی حالت تشویشناک۔ رجانہ روڈ پر اڈا ٹوریانوالہ کے قریب دھند کے باعث چیچہ وطنی سے فیصل آباد آنے والی وین گنوں کی ٹرالی کے ساتھ ٹکرا گئی جس سے 1 شہری جاں بحق ہوا جبکہ10 زخمی ہوگئے جن کو طبی امداد کے لیے سمندری اور سول اسپتال فیصل آباد منتقل کردیا گیا۔ دوسراحادثہ ستیانہ روڈ اڈا 77 پر پیش آیا جہاں پر بس نے وین کو ٹکر ماردی جس سے ایک شہری جاں بحق جبکہ 3 زخمی ہوگئے جن کو طبی امداد کے لیے الائیڈ اسپتال منتقل کیا گیا ہے۔
