لاہور(آئی این پی)آج لاہوریوں کی وفا کا وقت آگیا ہے،13دسمبر کوثابت کرناہے لاہور جاگ رہاہے، جلسے کی گونج ملک کے طور و عرض میں جانی چاہیے ، ہماری درخواست ہے جس طرح میاں نوازشریف نے لاہوریوں سے وفا کی ایسے ہی لاہوری بھی وفا کریں۔ یہ بات مسلم لیگ (ن) کے مر کزی نائب صدرشاہدخاقان عباسی نے لاہور میں کارکنوں سے خطاب کرتے ہوئے کہی۔سابق وزیراعظم شاہد خاقان عباسی نے مزیدکہا کہ ہم نے ووٹ کو عزت دو کی بات کرنی ہے، ملک میں مہنگائی الیکشن چوری ہونے کی وجہ سے ہے۔انہوں نے کہا کہ جب بھی قربانی دینے کی باری آئی تو نوازشریف سب سے پہلے جیل گئے، یہ لوگ نوازشریف کیخلاف ایک بھی الزام ثابت نہیں کر سکے۔
