سکھر (نمائندہ جسارت) شہر سے موبائل اسنیچینگ اور چوری کی متعدد وارداتوں میں ملوث گروہ گرفتار، 25 موبائل فون برآمد، بہتر کارکردگی پر پولیس ٹیم کو شاباشی کا پیغام۔ ایس ایس پی سکھر عرفان سموں کے مطابق ترجمان پولیس کے مطابق پولیس نے موثر اطلاع اور ٹریسنگ کی مدد سے مختلف علاقوں میں کارروائی کرتے ہوئے دو ملزمان کو گرفتار کرکے قبضے سے 25 مسروقہ موبائل فون برآمد کرلیے، ملزمان شہر کے مختلف علاقوں سے موبائل فون چھینے کی متعدد وارداتوں میں مطلوب تھے۔ گرفتار ملزمان میں اللہ ڈنو اور شفیع شامل ہیں، مزید تفتیش جاری ہے۔ برآمد شدہ موبائل مالکان کے حوالے کردیے گئے۔
