لاڑکانہ (نمائندہ جسارت) لاڑکانہ پولیس نے جرائم پیشہ افراد کیخلاف ایس پی ہیڈ کوارٹر محمد کلیم ملک کی سربراہی میں مختلف مقامات پر کارروائیاں کرتے ہوئے پانچ ملزمان کو گرفتار کرکے میڈیسن کمپنی کے مالک سے چھینی گئی نقدی برآمد کرلی۔ لاشاری تھانے کی حدود سے نجی ادویات کمپنی کے مالک وشال سے چھینی جانے والی رقم ایک لاکھ 68 ہزار روپے برآمد کرکے مالک کے حوالے کردی۔ آریجا پولیس نے خفیہ اطلاع پر کارروائی کرتے ہوئے ڈکیتی، لوٹ مار اور پولیس مقابلوں جیسے سنگین نوعیت کے 15 سے زائد مقدمات میں اشتہاری ملزم رستم کھکھرانی کو، شہید الٰہی بخش سیال پولیس نے گاؤں آباد سے سنگین نوعیت کے مقدمات میں مطلوب ملزم عدیل جتوئی کو بندوق اور کارتوسوں سمیت، علی گوہر آباد پولیس نے احساس پروگرام سے مستحقین سے رقوم کی کٹوتی میں گرفتار تینوں ملزمان اخلاق بروہی، مراد میر بحر اور محسن میر بحر کیخلاف مقدمہ درج کرلیا۔ دوسری جانب بہترین کارکردگی پر ایس ایس پی لاڑکانہ مسعود احمد بنگش نے پولیس ٹیم کے لیے انعامات و اعزازات کے احکامات جاری کیے ہیں۔
