لاہور (این این آئی) پاکستان پیپلز پارٹی پارلیمنٹرین کے چیئرمین آصف علی زرداری نے کہا ہے کہ گلگت بلتستان کا الیکشن جیتنے کے بعد بلاول کا اگلا پڑاؤ پنجاب میں ہو گا۔ جنرل سیکرٹری پاکستان پیپلز پارٹی چودھری منظور احمد سے ٹیلی فونک رابطے میں گفتگو کرتے ہوئے انہوں نے کہا کہ پنجاب کے جیالے چیئرمین پی پی بلاول زرداری کے استقبال کی تیاری کریں‘ مشکل وقت گزر چکا ہے‘ جیالے اپنا، اپنے خاندانوں اور اہل علاقہ کا خیال رکھیں‘ پارٹی کے یوم تاسیس کا 30 نومبرکو ملتان میں جلسہ کامیاب بنایا جائے گا۔
