قومی اسمبلی سیکرٹریٹ کی جانب سے پارلیمانی رہنماؤں کا اجلاس بلانے کے لیے نوٹس جاری کر دیا گیا۔
اسپیکرقومی اسمبلی نے قومی اسمبلی اورسینیٹ میں پارلیمانی رہنماؤں کا اجلاس طلب کرلیا۔اجلاس اسپیکر قومی اسمبلی اسد قیصر کی زیرصدارت 11 نومبر کو دوپہر 2بجے ہوگا۔
اجلاس میں عسکری حکام کی جانب سے قومی سلامتی کے موجودہ امور پر بریفنگ دی جائے گی۔پیپلزپارٹی پارلیمنٹیرین سے بلاول بھٹو زرداری، ایم ایم اے سے اسعد محمود، پی ٹی آئی سے ڈپٹی پارلیمانی لیڈرشاہ محمود قریشی، مسلم لیگ ن سے خواجہ آصف،عوامی نیشنل پارٹی سے امیر حیدر، اعظم خان کو اجلاس میں مدعو کیا گیا ہے۔
جی ڈی اے سے غوث بخش خان مہر،عوامی مسلم لیگ سے شیخ رشید احمد شریک ہوں گے۔بلوچستان عوامی نیشنل پارٹی سے خالد حسین مگسی، بی این پی سے اخترمینگل، ایم کیو ایم سے ڈاکٹر خالد مقبول صدیقی،
مسلم لیگ ق سے چودھری طارق بشیر چیمہ کو مدعو کیا گیا ہے۔
سینیٹ سے سینیٹرز مشاہد اللہ خان، شیری رحمان، محمد علی خان سیف، سینیٹر میرکبیر شاہی، مولانا عبدالعفور حیدری، عثمان خان کاکڑ، سینیٹر سراج الحق،سینیٹرستارہ ایاز، جہانزیب جمالدینی، انوار الحق کاکڑ اور سینیٹر اورنگزیب خان کو دعوت دی گئی ہے۔
وفاقی وزرا میں پرویزخٹک، اعجازشاہ، علی امین گنڈاپور، شفقت محمود، وفاقی وزرا اسد عمر، شبلی فراز اور وزیراعظم کے مشیر بابر اعوان بھی مدعو ہیں جب کہ معاون خصوصی معید یوسف اجلاس میں خصوصی شرکت کریں گے۔
اٹارنی جنرل خالد جاوید خان، گورنرگلگت بلتستان راجا جلال حسین مقپون،قائم مقام وزیراعلیٰ گلگت بلتستان میر افضل کو خصوصی شرکت کیلئے دعوت نامہ جاری کیا گیا ہے۔
اجلاس میں صدرآزاد کشمیر سردار مسعود خان اور وزیراعظم راجا فاروق حیدر کو بھی شرکت کی دعوت دی گئی ہے۔
