کراچی(اسپورٹس ڈیسک) پاکستان ہاکی فیڈریشن کے زیراہتمام قومی سینئر ہاکی چیمپئین شپ کے دوسرے روز5 میچز کھیلے گئے۔ پہلا میچ پاکستان واپڈا اور پاکستان پولیس کے مابین کھیلا گیا جو کہ پاکستان واپڈا نے پاکستان پولیس کو 2-7 سے شکست دے دی. پاکستان واپڈا کی جانب سے سمیع اللہ نے 3،علیم بلال نے 2،اعجاز احمد اور عمر بھٹہ نے ایک، ایک گول ا سکور کیا جبکہ پاکستان پولیس کی جانب سے دونوں گول حمزہ نے کیے۔دوسرا میچ پاکستان پورٹ قاسم اور پاکستان ائر فورس کے مابین کھیلا گیا جوکہ پاکستان ائر فورس نے1-2 سے جیت لیا۔ تیسرا میچ پاکستان آرمی اور پاکستان نیوی کے مابین کھیلا گیا جو آرمی نے 2-3 سے جیت لیا۔چوتھا میچ ماڑی پیٹرولیم اور نیشنل بینک کے مابین کھیلا گیا جو0-1 سے نیشنل بینک نے جیت لیا۔ایونٹ کا 5واں میچ سوئی سدرن اور پنجاب کے مابین کھیلا گیا جو سوئی سدرن نے1-6 سے جیت لیا۔
