کراکس (انٹرنیشنل ڈیسک) ایرانی وزیر خارجہ محمد جواد ظریف وینزویلا کے دورے پر دارالحکومت کراکس پہنچ گئے،جہاں ان کے ہم منصب نے استقبال کیا۔ ان کے دورے سے قبل کراکس حکام کا کہنا تھا کہ جواد ظریف کی آمد سے دونوں ممالک کے درمیان تعلقات مضبوط ہوں گے۔ وینزویلا کے وزیرخارجہ کا کہنا تھا کہ دونوں ممالک نے خطروں اور حملوں کے سامنے بہادری اور یکجہتی کی اعلیٰ مثال قائم کی۔ ایرانی وزیر خارجہ لاطینی امریکاکے 3ممالک کیوبا، بولیویا اور وینزویلا کے دورے کے پہلے مرحلے میں کراکس پہنچے ہیں۔
