لاہور (آن لائن) لاہور کے مختلف علاقوں میں ن لیگی رہنما ایازصادق کیخلاف بینرزآویزاں کر دیے گئے جس میں سابق اسپیکر قومی اسمبلی ایاز صادق کی بھارتی پائلٹ ابھی نندن جیسی موچھوں کا انداز بنا کر دونوں کی تصویر ایک ساتھ دکھائی گئی ہے۔ مسلم لیگ ن کے رہنما اور سابق سپیکر قومی اسمبلی ایاز صادق کے متنازع بیان پر مال روڈ، شادمان، چیئرنگ کراس اور مختلف
علاقوں میں بینرز آویزاں کر دیے گئے، لیگی رہنما کیخلاف گڑھی شاہو،شملہ پہاڑی، کلب چوک اور دھرم پورہ میں پینافلیکس بھی لگ گئے، یہ بینرز لگوانے والوں نے اپنی شناخت خفیہ رکھی اور تاثر دیا گیا کہ این اے 129 کے عوام کی جانب سے لگائے گئے۔
