ٹھٹھہ (نمائندہ جسارت) ملک بھر کی طرح ٹھٹھہ میں بھی 12ربیع الاول کو عاشقان رسولﷺ کی جانب سے الگ الگ ریلیاں نکالی گئیں۔ اس سلسلے میں جماعت خادم الفقرا اور جماعت قادری جیلانی اہلسنت کی سربراہی میں پیر غلام رضوانی، صوفی ذوالفقار قادری کی سربراہی میں سیکڑوں گاڑیوں کی ریلی مکلی سے گشت کرنے کے بعد ٹھٹھہ پہنچی اور بائی پاس سے ہوکر واپس مکلی پہنچی۔ جھمپیر میں سید محسن شاہ اور حافظ سکندر شاہ کی سربراہی میں عاشقان رسولﷺ کی آمد مصطفیﷺ کی خوشی میں ریلی نکالی گئی۔ ساحلی پٹی کے علاقے میرپور ساکرو میں بھی جشن میلاد النبی صلی اللہ علیہ وسلم کو منانے کے لیے سمندر میں کشتی ریلی نکالی جس میں عاشقان رسولﷺ کی بڑی تعداد نے شرکت کی۔
