سکھر (نمائندہ جسارت) پولیس کی ایک اور اہم و بڑی کامیابی، تھانہ بائیجی کی حدود M-5 موٹر وے سے اغواء کیے گئے دو مغوی باحفاظت بازیاب، دو ملزمان گرفتار۔ ایس ایس پی سکھر عرفان علی سموں کے مطابق سکھر پولیس کا گدپور کچے میں خوف کی علامت بنے تیغانی گروہ کے ڈاکوؤں کیلاف آپریشن میں بائیجی کی حدود موٹر وے سے اغواء کیے گئے دو مغویوں کو بازیاب کرالیا جبکہ موقع سے دو مشتبہ افراد گرفتار کر کے تفتیش کی جارہی ہے۔ سکھر پولیس نے مغویوں کی بازیابی کے لیے گدپور کچے میں تیغانی گروہ کیخلاف آپریشن کیا۔ دوران آپریشن موٹر وے سے اغواء کیے گئے دو مغوی بحفاظت بازیاب کرالیے گئے۔ بازیاب افراد میں رفیق چاکرانی اور صدیق شامل جنہیں ایک ماہ قبل تیغانی گروہ کے اغواء کاروں نے سکھر ملتان موٹر وے سے اغواء کرلیا تھا۔ موقع سے تیغانی گروہ کے دو ملزمان کو گرفتار کرلیا گیا جن سے تفتیش کی جارہی ہے۔
