سپریم کورٹ بار ایسوسی  ایشن کے سالانہ  انتخابات آج ہونگے

اسلام آباد (آن لائن) سپریم کورٹ بار ایسوسی ایشن کے سال 2020/21 کے لیے انتخابات آج ( جمعرات) کو ہوں گے۔ سپریم کورٹ بار ایسوسی ایشن کے سال 2020۔21 ء کے انتخابات کے لیے پولنگ کا عمل سپریم کورٹ اسلام آباد سیٹ کے ایڈمن بلاک کے لائرز بار روم میں صبح ساڑھے 8 بجے شروع ہوگا اور شام 5
بجے تک جاری رہے گا۔ سپریم کورٹ بار ایسوسی ایشن کے صدر کی نشست پر عاصمہ جہانگیر گروپ کے عبدالطیف آفریدی اور حامد خان گروپ کے عبدالستار خان کے درمیان مقابلہ ہوگا۔ سیکرٹری کی نشست کے لیے عاصمہ جہانگیر گروپ کے احمد شہزاد فاروق رانا اور حامد خان گروپ کے محمد عامر سہیل سلیمی امیدوار ہیں ۔ملک بھر سے سپریم کورٹ بار کے 3174 جبکہ جڑواں شہروں راولپنڈی اسلام آباد سے 518 ممبران ووٹ کاسٹ کریں گے۔سیکورٹی کے سخت انتظامات کیے گئے ہیں۔