سکھر (نمائندہ جسارت) سکھر پولیس کا جرائم پیشہ افراد کیخلاف کریک ڈاؤن، ترجمان پولیس کے مطابق مختلف علاقوں میں کارروائیاں، اشتہاری مفرور، جواری منشیات فروش اور مطلوب سمیت 20 ملزمان گرفتار، ایس ایچ او پنو عاقل ذوالفقار چاچڑ نے مختلف علاقوں میں کارروائیاں کرکے اشتہاری، مفرور، منشیات فروش، جواری سمیت 4 ملزمان کو گرفتار کرلیا۔ گرفتار ملزمان میں مفرور حفیظ سمیجو، منشیات فروش اللہ بخش کورائی، جواریوں میں اشوک، و دیگر شامل، ملزمان کے قبضے سے 2000 گرام چرس، جوا کی مختلف اقسام کی گیمز، موبائل فون، نقدی و دیگر سامان برآمد، مقدمات درج۔ ڈی ایس پی روہڑی حضور بخش سولنگی کی سربراہی میں روہڑی پولیس نے اشتہاری مفرور، منشیات، گٹکا فروش، جواریوں سمیت 14 ملزمان کو گرفتار کرلیا۔ ملزمان میں مفرور عبدالرزاق، انور شیخ، منشات فروش زاہد حسین، گٹکا فروش حارث، ناصر قریشی، جمال، اشرف جواریوں میں حادی بخش، مالک، کریم، نوید پٹھان و دیگر شامل۔ ملزمان کے قبضے سے چرس، گٹکا، مین پوری، چھالیہ، ٹی ٹی پستول، میگزین اور گولیاں برآمد، مقدمات درج۔ ایس ایچ او پٹنی نے کارروائی کرکے دو ملزمان کو گرفتار کرلیا، قبضے سے شراب کی بوتلیں اور جوا کی مختلف اقسام کی گیمز برآمد کرلی گئیں۔
