کوئٹہ (نمائندہ جسارت)بلوچستان کے علاقے مچھ میں پولیس نے قومی شاہراہ پرچیکنگ کے دوران کارکے خفیہ خانوں سے منشیات بر آمد کرکے گرفتار ملزم کے خلاف مقدمہ درج کرلیا۔ ڈی آئی جی نصیرآباد رینج شہاب عظیم لہڑی اور ایس ایس پی کچھی سید جاوید غرشین کے احکامات پر منشیات کیخلاف جاری مہم کے دوران مچھ پولیس نے نیشنل ہائی شہید ظہورناکے پر گاڑیوں کی چیکنک کے دوران 82ماڈل کارکے خفیہ خانوں سے 20 کلوپختہ چرس برآمد کرکے ملزم رشید احمد ولدگل محمد قوم بڑیچ ساکن زرغون روڈ کوئٹہ کو گرفتارکرکے ان کیخلاف مقدمہ درج کرلیا ۔
