زرداری اور فریال کا پنجاب میں ٹرائل سندھ کی توہین ہے ، سسی پلیجو

اسلام آباد( آ ئی این پی )پاکستان پیپلزپارٹی کی مرکزی رہنما سینیٹر سسی پلیجو نے کہاہے کہ آصف علی زرداری اور فریال تالپور کا پنجاب میں ٹرائل سندھ کی توہین ہے ، کبھی کالا باغ ڈیم، کبھی جزیروں پر قبضہ کرنے کی سازش کی جا رہی ہے ، اٹھارہویں آئینی ترمیم کے بعد وفاق کو چاہیے کہ غیرآئینی اقدامات سے گریز کرے۔ بد ھ کو وزیر اطلاعات شبلی فراز کی کراچی میں میڈیا سے گفتگو پر ردعمل کا اظہار کرتے ہوئے سینیٹر سسی پلیجو نے کہا ہے کہ شبلی فراز میں ضیا اور مشرف کی روح شامل ہوگئی ہے اس لیے وہ سندھ کی حق تلفی کی بات کر رہے ہیں، سندھ کے جزیرے سندھ دھرتی کے زیور ہیں۔