لاڑکانہ(نمائندہ جسارت) شہید محترمہ بے نظیر بھٹو اور بیگم نصرت بھٹو کی قریبی ساتھی، پیپلز پارٹی کے بانی رکن، سابق وزیراعظم ذوالفقار علی بھٹو کے قریبی ساتھی اور سابق سفیر عبدالرزاق سومرو کی اہلیہ فاطمہ عبدالرزاق سومرو 75 برس کی عمر میں طویل علالت کے بعد گزشتہ روز لاڑکانہ میں انتقال کرگئیں جن کی نماز جنازہ قاسمیہ مسجد مشوری عیدگاہ میں ادا کرنے کے بعد مرحومہ کے جسد خاکی کو رتودیرو کے قریب آبائی گاؤں میں سپرد خاک کردیا گیا۔ نماز جنازہ میں بلاول زرداری کے پولیٹیکل سیکرٹری جمیل احمد سومرو، پی پی پی ضلعی جنرل سیکرٹری اعجاز احمد لغاری، عمران حسن جتوئی، انور علی نواز لْہر سمیت وکلا، صحافیوں، ڈاکٹر، تاجر اور مختلف مکتب فکر سے تعلق رکھنے والے افراد نے بڑی تعداد میں شرکت کی۔
